AY Aiangukia Serikali, Aachia Dude na Rayvanny – Video

Last updated Dec 12, 2019

Rapa maarufu Afrika, AY akifanya mahojiano na Kipindi cha Bongo 255 ndani ya Studio za +255 Global Radio.

Mkongwe wa muziki wa Bongo Fleva, Ambwene Yessayah ‘AY’ ameiangukia Serikali, makampuni na watu binafsi akiwasihi kuwekeza zaidi kwenye tuzo za muziki nchini.

AY alizungumza hayo leo kwenye mahojiano maalum kupitia Kipindi cha Bongo 255 kinachorushwa na +255 Global Radio.

AY akipokelewa kwa shangwe na wafanyakazi wa Global Group alipowasili katika ya Ofisi za zao zilizopo, Sinza Mori Dar.

AY alisema tuzo hizo zitakuwa ni chachu kwa wasanii kutengeneza muziki mzuri zaidi kama ilivyokuwa miaka ya nyuma.

“Tuzo zinaleta hamasa na ushindani, wadau kuanzia Serikali, makampuni na watu binafsi wanapaswa kuona fursa hii.

AY akiwa na watangazaji wa Kipindi cha Bongo 255 ndani ya studio za +255 Global Radio.

Pia aliwataka wasanii kwenda nje ya nchi na kufanya muziki wa kimataifa ili kupata ladha mpya na kubadilishana uzoefu na wasanii wakubwa duniani.

Mkali huyo wa Rap ameachia video ya ngoma mpya iitwayo Distance Remix ambayo amefanya na Jay Rox wa Kenya pamoja na msanii kutoka WCB, Rayvanny.

AY amesema aliisikia ngoma hiyo ikipigwa wakati akiwa kwenye harakati zake, hivyo akaipenda na kufanya mawasiliano na msanii aliyeimba ngoma hiyo, Jay Rox ambaye alikubali hivyo wakaingia studio na kuifanya upya.

AY akisaini katika kitabu cha wageni alipowasili katika ya Ofisi za Global Group, Sinza Mori Dar.

“Nilikuwa na malengo ya kufanya ngoma kali na kuiachia kabla ya mwaka huu haujaisha, namshukuru Mungu nimefanikiwa na Distance Remix ambayo ina wiki moja sasa inafanya vizuri kwenye platforms mbalimbali za muziki,” amesema AY.

Video ya Distance Remix hiyo imeandaliwa na Director Kenny, mixer amefanya Paul Kruz na producer ni Kenz Ville Marley.

Stori: Steven Kinabo, Dar

FUATILIA MAHOJIANO HAPA