Huduma Ya Usafiri Wa App Ya Taxify Yazinduliwa Jijini Dar Es Salaam

Dar es Salaam, 8 Desemba 2017. Taxify, App ya huduma ya usafiri inayokuwa kwa kasi barani Ulaya na Afrika, leo imezinduliwa jijini Dar es Salaaam, huku mamia ya madereva wakiwa wamejiorodhesha ili kutoa huduma katika sehemu mbalimbali za jiji.

Katika kusherehekea uzinduzi wa huduma hiyo mpya, Taxify imetoa punguzo la asilimia 50 kwa wateja watakaotumia huduma yao kuanzia tarehe 08 Desemba saa tatu asubuhi. Gharama kwa kipindi hiki zitakuwa kama ifuatavyo kwa fedha ya Shilingi ya Kitanzania; Sh 600, Sh300 kwa kila kilometa moja. Sh 50 kwa dakika huku bei ya kiwango cha chini ikiwa ni Shilingi 3000.

“Dar es Salaam ni jiji lenye soko kubwa na lenye faida kwa usafiri wa watu binafsi mijini na sehemu muhimu ya shughuli za kibiashara ambapo shida kubwa ya kutumia usafiri binafsi maeneo ya mjini hutokea.

Tunayofuraha kubwa kuzindua huduma hii hapa na tuna uhakika Taxify itasaidia kwa kiasi kikubwa kuchangia kwa ufanisi katika ushindani wenye afya na kuboresha ubora wa huduma huku tukitoa kutoa fursa kwa madereva kujipatia kipato kizuri,” alisema Shivachi Muleji, Meneja Maendeleo wa Kanda, Taxify.

Taxify inachukua asilimia 15 pekee ya mapato kutoka kwa madereva wake, ikiwa ni gharama ndogo zaidi ukilinganisha na washindani wetu wa kibiashara wanaochokua asilimia 25. Kamisheni ndogo ambayo inachukuliwa na Taxify inatufanya tuweze kupunguza gharama ya huduma kwa wateja wetu na kuhakikisha madereva wanapata kipato cha kukidhi mahitaji ya familia.

Furaha ya madereva humaanisha huduma nzuri na bora kwa watumiaji wa usafiri wetu. Taxify inaamini katika kuheshimiana na madereva wake na kuhakikisha wanapata zaidi ya kile wanachopata kwenye mitandao mingine huku ikiwapa aina mbalimbali za ulinzi na vipengele vinavyowasaidia kufanya kazi kwa njia inayofaa kwao.

Pia kampuni hii inaamini katika kutoa huduma bora kwa wateja wanaotumia usafiri huu pamoja na msaada wa karibuni kutoka kwa timu yetu ikiwa ni pamoja na kuwapa chaguo la kulipia huduma kwa pesa taslimu.

Taxify tayari inatoa huduma zake kwenye nchi 20 duniani na imeonyesha mafanikio makubwa kutokana na huduma zake nafuu na uwazi katika uendeshaji.

Taxify pia inapatikana kwenye mfumo wa IOS na Android.

Tafadhali kwa taarifa zaidi za kampuni yetu bonyeza  hapa:

Taarifa zaidi kuhusu Taxify

https://taxify.eu/press/

Kuhusu Kampuni ya Taxify

Taxify inafanya shughuli zake katika zaidi ya nchi 20 barani Ulaya, Afrka, Mashariki ya Kati na Amerika. Ilianzishwa mwaka 2013 Tallinn, Estonia ambako ni makao makuu yake.

Kampuni hii ina wafanyakazi walioajiriwa ulimwenguni  kote idaidi inayofikia zaidi ya waajiriwa 350. Agosti mwkaa 2017 Taxify ilitangaza mpango wake wa ushirikiano na Kampuni ya Didi Chuxing ambayo inaongoza kwenye huduma za usafiri kwa njia ya mtandao wa simu. Chini ya ushirkiano huo, Didi itawekeza na kushirikiana na Taxify ili kusaidia katika ukuaji na ugunduzi zaidi baadaye.