Je unaijua thamani ya Dola moja kwa nchi za Africa?
Matumizi ya Dola za Kimarekani yamekuwa yakiongezeka siku hadi siku, hii imepelekea kuongezeka kwa thamani ya pesa hiyo kulinganisha na thamani ya pesa nyingine.
Miaka ya hivi karibuni kulikuwa na mkanganyiko na mikakati ya kurudisha thamani ya shilingi ya Kitanzania, lakini suala hili limekuwa si tatizo kwa nchi ya Tanzania pekee bali ni kwa nchi nyingi barani Afrika.
Hata hivyo JovagoTanzania imejaribu kutathmini thamani ya dola moja ya Kimarekani na nchi kumi barani Afrika ili kuitambulisha thamani yake ukiwa nje ya nchi.
Dola moja imeonekana inathamani ya kipekee na kugundulika kuwa kwa Tanzania inaweza kusaidia kununulia muda wa maongezi na vitu vingine vidogovidogo, lakini kwa baadhi ya nchi nyingine kama Nigeria unaweza kupata hadi lita mbili za mafuta ya petroli.
Hata hivyo thamani ya pesa hutofautiana kati ya nchi na nchi, baadhi ya pesa zenye nguvu duniani ni pamoja na Kuwait dinar, Bahrain dinar, Oman rial, Latvia lats, Uk Pound na Dola ya Kimarekani. Swali la kujiuliza pesa ya Tanzania ipo katika kiwango kipi!, ni kwa nini shilingi ya Kitanzania inashuka!, je kuna uwezekano wowote shilingi yetu ikapanda!
