Jeshi la Ulinzi la Wananchi Tanzania (JWTZ) Na Jeshi la Ukombozi la Watu wa China Wazindua Mazoezi ya Pamoja

29 Julai 2024: Jeshi la Ulinzi la Wananchi la Tanzania (JWTZ) kwa kushirikiana na Jeshi la Ukombozi la Watu wa China leo kwa pamoja wamezindua mazoezi ya medani ikiwa ni muendelezo wa kuelekea sherehe za miaka 60 ya JWTZ ambapo katika uzinduzi huo vifaa mbalimbali vya kivita vilioneshwa ikiwemo vifaru na silaha mbalimbali.

Zoezi hilo lilijumuisha Kamandi ya Jeshi la nchi kavu, Kamandi ya Anga pamoja na Kamandi ya Jeshi la Wanamaji kutoka
(JWTZ) na Jeshi la Ukombozi la Watu wa China.

Akizungumza mapema leo kwenye ufunguzi wa mazoezi hayo yaliyofanyika katika Kituo cha Mafunzo ya Kijeshi Mapinga, Mkuu wa Majeshi ya Ulinzi Na Usalama, Jenerali Jacob John Mkunda amesema ushirikiano wa majeshi ya nchi hizi mbili ni wa kihistoria na mpaka sasa tumeshasaidiana mambo mengi sana.