Ligi ya Soka Msimu wa Tano Ilivyozinduliwa na ALAF

Last updated Sep 22, 2024

Afisa Mtendaji Mkuu wa ALAF Limited Tanzania, Ashish Mystry akipiga mpira wakati wa uzinduzi wa Ligi ya ALAF inayotarajiwa kuanza mwezi ujao huku manahodha wa timu tano zitakazoshiriki katika ligi hiyo wakishuhudia. Uzinduzi huo ulifanyika Jijini Dar es Salaam Jumamosi.

Dar es Salaam 21 Septemba 2024: Katika kuhimiza ushiriki mkubwa katika michezo, wito wa Rais Samia Suluhu Hassan wa kuchukua hatua umechochea wadau wengi kukuza tasnia ya michezo.

Jana, Ofisa Mtendaji Mkuu wa ALAF Tanzania Ashish Mistry alitangaza uzinduzi wa Ligi Kuu ya kampuni yao, akisisitiza dhamira yao ya kukuza michezo kwa wafanyakazi.

“Tulizingatia ushauri wa Rais na tumejitolea kuimarisha ushirikiano wa michezo ndani ya kampuni yetu,” alisema Mistry.

Baada ya kujihusisha na soka kwa miaka minne, ALAF inajitahidi sana kushirikiana na kampuni ya usimamizi wa kitaalamu katika kusimamia ligi.

Wachezaji wakiwa na jezi za mfano kwenye uzinduzi huo.

“Kwenye Kampuni ya ALAF, tunatoa kipaumbele kwa afya ya wafanyakazi wetu, ndiyo maana tuliunda ‘Ligi Kuu ya ALAF’ inayoshirikisha timu tano za ushindani kutoka idara mbalimbali,” alieleza.

Ili kuimarisha ushindani wa ligi, ALAF imesajili Kampuni ya ‘Plus One Events Solutions Limited’ kuratibu. Ushirikiano huu unaendana na mpango wa Rais Samia Suluhu Hassan wa kuimarisha ushiriki katika michezo nchini kote.

Mistry alisisitiza faida nyingi za mazoezi ya kawaida ya mwili, yanayopunguza hatari ya magonjwa sugu na uboreshaji wa afya ya moyo na mishipa.

“Wafanyakazi wenye afya bora hupunguza gharama za huduma za afya, na kukuza kazi ya pamoja ya vikundi vya michezo na mawasiliano, na huimarisha mahusiano mahali pakazi,” aliongeza.

Ofisa Mtendaji Mkuu wa ‘Plus One Events Solutions Limited’ Osman Kazi na mwamuzi mstaafu wa FIFA, alielezea matumaini yake kwamba mpango wa ALAF utayahamasisha makampuni mengine kuiga mfano huo. “Kwa utaalamu tulionao, tunalenga kuinua Ligi Kuu ya Alaf na kuwavutia wafanyabiashara zaidi kushiriki katika shughuli zinazofanana na hizi,” alisema.

Kazi alisisitiza faida za afya ya akili ya michezo, akibainisha kwamba shughuli za kimwili hutoa homoni ya ‘endofini’ inayoweza kupunguza mfadhaiko na kuongeza ari ya kufanya kazi. Alitangaza kwamba ligi inatarajiwa kuanza Oktoba 5.

Amon Mwaijage, Meneja Uzalishaji wa ALAF na mratibu wa michezo, alisema ligi hiyo itashirikisha timu tano: Simba Dumu, Covermax, Lifestile, Simbachuma, na SafBuild, timu zote zimepewa majina ya bidhaa za ALAF.

“Lengo letu ni kuunda timu yenye umoja, ambayo inawakilisha ALAF katika matukio mbalimbali ya michezo, huku tukikuza kazi ya pamoja ndani ya kampuni,” Mwijage alisema. Aliongeza kwamba kuipa afya na siha kipaumbele kunaazisha mfano wa kiutamaduni, na kuwahimiza wafanyakazi kuupa kipaumbele ustawi wao.

“Kuwekeza katika afya ya wafanyakazi kwa njia ya michezo ni mkakati wa muda mrefu ambao unaweza kuleta ukuaji endelevu na mafanikio kwa kampuni yetu,” alihitimisha.