Makonda Azindua Mfumo wa Kutoa Kero Kidigitali – Video

MKUU wa Mkoa wa Dar es Salaam, Paul Makonda,  jana Oktoba 9, 2019 alizindua mfumo wa kuwawezesha wananchi wa mkoa huo kuwasilisha kero na changamoto walizonazo kwa kutumia simu ya mkononi au kompyuta na ujumbe wao kuwafikia watendaji kwa haraka na kupatiwa majibu ndani ya muda mfupi,  jambo litakalosaidia kuokoa muda na gharama za usafiri.

 

Makonda amesema ameamua kuanzisha mfumo huo baada ya kubaini kuwa wananchi wengi wamekuwa wakifika kwenye ofisi za umma na kupewa majibu ya “Njoo Kesho” pasipokujua kuwa wamepoteza muda na nauli zao kufuata huduma.

 

Aidha amebainisha kuwa mfumo huo utakuwa ukipokea taarifa za malalamiko ya watendaji wasiowajibika kuanzia ngazi ya mtaa, kata, wilaya hadi mkoa na taarifa zitawafikia viongozi wote kuanzia Makonda mwenyewe, mkuu wa wilaya husika, mkurugenzi, katibu tawala na mkuu wa idara.

 

Hata Makonda amewahimiza wananchi kutumia mfumo huo kueleza kero zote zinazowakabili ikiwemo afya, barabara, elimu, maji, umeme, miradi inayokwama pamoja na kutoa taarifa pindi wanapobaini uhalifu kwenye mtaa.

 

Jinsi ya kuwasilisha ujumbe andika neno DSM kisha eleza changamoto zako kisha tuma kwenye namba 11000 au ingia kwenye Website www.malalamiko.dsm.go.tz na ujumbe wako utapokelewa mara moja na kupewa mrejesho.

HUDUMA HII NI BURE.

Loading...

Toa comment