Mayele na Kagere Wote Wazee wa Kuetetema na Wachawi wa Dakika za Majeruhi
UNAIKUMBUKA ile mechi aliyokaa Ramadhan Kabwili langoni kwa mara ya kwanza akiwa langoni? Ilikuwa ni Februari 16, 2019 ni Kagere aliweza kumtungua na kutetema mbele ya watani hao wa jadi.
Kibao kikaja kugeuka pia walipokutana kwenye mchezo wa Ngao ya Jamii, Uwanja wa Mkapa, Septemba 25,2021 ni Mayele aliweza kumtungua Aishi Manula kisha akatetema kwa mtindo wake ambao ni pendwa kwa sasa kwa mashabiki.
Wao na penalti
Jukumu la kupiga penalti huwa linakuwa miguuni mwa Kagere kwa kuwa kwenye mabao 7 ambayo amefunga, alifunga moja kwa penalti mbele ya Tanzania Prisons.
Pia alikosa penalti moja mbele ya Biashara United ilikuwa Uwanja wa Mkapa huku kwa upande wa Mayele yeye kwenye mabao 11 aliyofunga hakuna hata bao moja la penalti.
Lakini Mayele alisababisha penalti moja ilikuwa kwenye mchezo dhidi ya Ruvu Shooting Uwanja wa Mkapa na mtupiaji alikuwa ni Shaban Djuma.
Watupiaji mabao muhimu jioni
Nyota hawa wawili ni wakali kwenye mabao ya usiku ambayo huwa yanakuwa muhimu kwa ajili ya timu hiyo kusepa na pointi tatu.
Kagere alicheka na nyavu mara mbili, alitupia mbele ya Namungo dk 90+4, Simba ilishinda bao 1-0 na mbele ya Coastal Union dk 90+3 ubao ulisoma Coastal Union 1-2 Simba.
Ilikuwa mechi dume mbele ya Azam FC, Uwanja wa Azam Complex ubao ulipokuwa ukisoma Azam FC 1-1 Yanga mpaka dk ya 76 ilipogota ile ya 77 Mayele akazamisha mpira nyavuni kisha akaomba atoke kwa kuwa alikuwa amepata maumivu.
