Mbunge Janeth Mahawanga Alivyowaongezea Maarifa Wanawake wa Tai Group Kata ya Pugu, Dar

Last updated Sep 27, 2024

Mheshimiwa Janeth Mahawanga akikagua baadhi ya miradi ya kinamama wa Tai Group.

Dar es Salaam, 27 Septemba 2024: Mbunge wa Viti Maalum mkoa wa Dar es Salaam, Janeth Mahawanga leo alizindua vikundi vinne vya kimaendeleo vya wanawake wa Kata Pugu Jimbo la Ukonga jijini ambavyo umoja wake unaitwa Tai Group.

Mheshimiwa Janeth Mahawanga alivyopokelewa na kinamama wa Tai Group.

Katika risala yao wanakikundi hao walielezea jinsi walivyopambana kuanzisha vikundi hivyo na kuelezea walipofikia na walipokwamia ambapo Mbunge Mahawanga aliwaelekeza jinsi ya kufanya na kuwapa mbinu za kufanikiwa kupata kiasi cha pesa wanazohitaji zaidi ya milioni ili waweze kuifanya biashara yao ya kuoka mikate kisasa zaidi.

Mbunge Mahawanga ndiye aliyewakwamua wanawake na walemavu waliokuwa wakiponda kokote kwa nyundo na mkono pale Mbuyuni Tegeta na sasa ni WAFANYABIASHARA wakubwa wenye magari yao na mashine za kisasa za kuponda kokoto.

Sehemu ya kinamama wa Tai Group walipokuwa wakimsubiri mgeni rasmi muda mfupi kabla ya kufika ukumbini.

Wiki iliyopita alizungumza na kinamama wajane wa Mbagala Mwanamtoti Kata ya Kijichi na kuwaelekeza jinsi ya kupata pesa za mkopo nafuu kutoka serikalini na tayari ameshaanza kupambania hilo.

Mapokezi ya kinamama wa Tai Group kwa Mbunge Mahawanga.

Mama Lishe zaidi ya 100 wa Kata ya Mbezi Juu nao ni miongoni mwa walionufaika na Mbunge wao huyu wa Viti Maalum kwa kupatiwa mitungi ya gesi na kuondokana na matumizi ya nishati chafu ya kuni na mkaa.