Mnyika Alaani Nape Kutishiwa Bastola Hadharani

Last updated Mar 24, 2017

Naibu Katibu Mkuu wa Chama cha Demokrasia na Maendeleo (Chadema)-Bara, John Mnyika, ambaye ni Mbunge wa Kibamba Dar, akizungumza na wanahabari.

CHAMA cha Demokrasia na Maendeleo Bara (Chadema) leo kimelaani kitendo cha vyombo vya dola kutumia vibaya silaha ya moto iliyotolewa na askari kanzu mmoja jana dhidi ya aliyekuwa Waziri wa Habari, Sanaa na Michezo, Nape Nnauye, wakati akitaka kuzungumza na vyombo vya habari jijini Dar es Salaam.

Ofisa Habari wa Chadema, Tumaini Makene (kulia) akitoa ufafanuzi wa jambo.

Hayo yalisemwa na Naibu Katibu Mkuu wa Chadema, John Mnyika, leo wakati akitangaza majina mawili yaliyoteuliwa kupitia kamati kuu ya chama hicho iliyokaa kwa muda wa siku mbili hadi jana ambao ni Ezekiel Wenje na Lawrence Marsha ambao watagombea ubunge wa Bunge la Jumuiya ya Afrika Mashariki.

Pia alilaani kitendo cha uvamizi kilichofanywa katika kituo cha redio na televisheni cha Clouds jijini Dar es Salaam ambapo askari waliingia wakiwa na silaha za moto.

Mkutano na wanahabari ukiendelea.

Alisema katika nafasi za kugombea ubunge wa jumuiya hiyo chama tawala (CCM) kina nafasi sita wakati Chadema kina nafasi mbili na Chama cha Wananchi (CUF) nafasi 1. Jumla ya nafasi za wabunge wa jumuiyahiyo ni tisa.

NA DENIS MTIMA/GPL