Serikali nchini kenya yaagiza shule zote zifungwe

Serikali ya nchini Kenya imeagiza shule zote zifungwe kuanzia Jumatatu kufuatia mgomo wa walimu unaoendelea nchini humo.

Wizara ya elimu nchini humo, imetoa barua kwa shule zote za umma na za kibinafsi ikiagiza zifungwe na wanafunzi warudi majumbani kwao.

Aidha serikali imesema kuwa, watakabakia shuleni pekee,  ni wanafunzi wanaojiandaa kufanya mitihani ya kitaifa ya darasa la nane na kidato cha nne mwaka huu.

Katibu Mkuu wa chama cha walimu nchini Kenya (KNUT) amesema kuwa, tayari amepokea barua hiyo yenye agizo la serikali kuhusu kufungwa kwa shule zote nchini humo.

Amesema chama hicho kilikuwa kimeishauri serikali ifunge shule “zamani”.

Inujaa ijayo, mahakama nchini Kenya inatarajiwa kuamua iwapo mgomo huo wa walimu, ambao umelemaza masomo muhula wa tatu, ni halali au la.