TWANGA KUFANYA TAMASHA KUBWA KUFIKISHA MIAKA 20

Bendi ya African Stars Twanga Pepeta leo imefanya mkutano na wanahabari kuzungumzia tamasha lake la miaka 20 ya bendi hiyo. Akizungumza na wanahabari waliofikakwenye mkutano huo uliofanyika Legend Club Kinondoni jijini Dar, Mkurugenzi wa bendi hiyo, Asha Baraka amesema tamasha hilo linatarajiwa kufanyika Septemba 29 mwaka huu kwenye klabu hiyo.

Asha Baraka amesema kabla ya uzinduzi huo watafanya mambo ya kijamii ikiwemo kutoa misaada hospitalini na kwenye vituo vya watoto yatima.

Naye kiongozi wa wanamuziki wa bendi hiyo, Luiza Mbutu akizungumzia wasanii waliowahi kutamba na Twanga miaka ya nyuma kurudi kwenye bendi hiyo ambapo alisema si wote watakaokubaliwa.