VILIO! Mwili wa Dada wa Shigongo Wawasili Bupandwamhela – (Pichaz + Video)

Last updated Jun 20, 2019

Mwili wa marehemu Vaileth ukitolewa nyumbani kwake, Nyamhongolo ili kuingizwa kwenye gari kwa safari ya Bupandwamhela.

MWILI wa dada wa Mkurugenzi Mtendaji wa Makampuni ya Global Group, Eric Shigongo, marehemu Vaileth James Bukumbi, umewasili leo Alhamisi, Juni 20, 2019, nyumbani kwao katika Kijiji cha Bupandwamhela, Buchosa – Sengerema mkoani Mwanza kwa ajili ya maziko.

Msafara wenye mwili ukiwa kwenye ferry ya kamanga tayari kwa kuvuka.

Msafara wa uliyokuwa na mwili huo kutokea maeneo ya Nyamhongolo, nje kidogo ya jiji la Mwanza alikokuwa akiishi marehemu, umepokelewa na umati mkubwa wa waombolezaji, ndugu, jamaa na marafiki waliokuwa wakisubiri kuupokea mwili wa ndugu yao mpendwa ambaye aliaga dunia usiku wa kuamkia juzi Juni 18, 2019 jijini humo.

Vilio, simanzi na majonzi vimetawala wakati wa kuupokea mwili huo miongoni mwa waombolezaji wakiwemo watoto wake, dada zake, kaka zake na ndugu wote wa familia ya marehemu Mzee James Bukumbi.

Msafara ukielekea kijijini.

Mwili wa marehemu Vaileth unatarajiwa kuagwa na kuzikwa kesho nyumbani kwao Bupandwamhela ambako wazazi wake, Mzee James Bukumbi na Bi Asteria Kapera aliyeaga dunia Julai mwaka jana, wote wamezikwa hapo.

Shigongo akisalimiana na waombolezaji baada ya kuwasili nyumbani kwao.

Waombolezaji wakimpa pole Shigongo.

Mwalimu Elias Ndutu, akimpa pole Shigongo.

Dada wa marehemu (aliyeko mbele) na wifi wa marehemu ambaye ni mke wa Shigongo (mwenye nguo nyeupe) wakiwa wenye huzuni kumpoteza ndugu yao.

Mwili ukiwasili nyumbani.

Jeneza lenye mwili wa marehemu baada ya kuwasili nyumbani.

Waombolezaji wakiwa wenye huzuni.

Meneja Mkuu wa Global Publishers, Abdallah Mrisho akisalimiana na Mkuu wa Idara ya Global Digital, Edwin Lindege baada ya kuwasili msibani hapo.