The House of Favourite Newspapers

ads

Waziri Ahukumiwa Kifungo cha Miaka Mitano kwa Ufisadi, Wakili wake Afunguka

0
Aliyekuwa Waziri wa Utamaduni wa Rwanda, Edouard Bamporiki 

Mahakama kuu mjini Kigali imemhukumu aliyekuwa waziri wa utamaduni wa Rwanda kifungo cha miaka mitano jela kwa madai ya rushwa.

Rais Paul Kagame alimfukuza kazi Edouard Bamporiki mnamo mwezi Mei mwaka jana kabla ya waendesha mashtaka kutangaza kufanya uchunguzi juu yake kuhusu matumizi mabaya ya madaraka na kutaka rushwa kutoka kwa mfanyabiashara wa eneo hilo.

Bamporiki alikiri mashtaka hayo kwenye Twitter na kumuomba rais amsamehe, lakini mnamo Septemba mahakama ya awali ilimhukumu kifungo cha miaka minne, ambapo alikata rufaa.

Akisoma uamuzi wa mahakama siku ya Jumatatu jioni, hakimu alisema, “haki inahitaji kutolewa ili kuonesha mfano”, kwa afisa huyo ambaye amekuwa chini ya kizuizi cha nyumbani tangu afukuzwe kazi.

Bamporiki mwenye umri wa miaka 39, mshairi na mtayarishaji filamu ambaye alipanda vyeo haraka sana kupitia chama tawala, anakabiliwa na kesi ya nadra sana kwa maafisa wakuu kuhukumiwa kwa ufisadi nchini Rwanda.

Wakili wake, Evode Kayitana, amesema kwamba wanaweza kukata rufaa “ikiwa tutaonyesha ukosefu wa haki katika kesi”, akiongeza kuwa bado hawajaamua kufanya hilo.

VIONGOZI WA SIMBA WAZUNGUMZA KUHUSU UJIO WA AL HILAL, FAIDA ZA UGENI HUO..

Leave A Reply