Waziri Aweso Awatunuku Shahada Mbalimbali Wahitimu Chuo Cha Maji

Waziri wa Maji Mhe. Jumaa Aweso (Mb) amewatunuku shahada mbalimbali wahitimu 684  wa chuo cha Maji ambapo katika hotuba yake amesisitiza uwajibikaji na utekelezaji wa miradi ya maji ikiwemo utumiaji sahihi wa taarifa na tafiti.

Aweso amesema mageuzi makubwa yamefanyika ili kukifanya chuo hicho kuwa bora zaidi, ikiwamo miundombinu ya majengo na matokeo mazuri yanaonekana.

Waziri Aweso ameainisha kuwa Tanzania imeongoza kwa miaka miwili mfululizo kati ya nchi 40 katika ujenzi wa miradi ya maji na kutambuliwa na Benki ya Dunia.

Ameelekeza wahitimu wa Chuo cha Maji kutumika katika usimamizi na uendelevu wa miradi ya maji nchini na kwamba ili Taifa liendelee linahitaji nguvu kazi.