Mbeya Wachangamkia Shindano la Shinda Nyumba

  DERICK LWASYE,  Mbeya

SHINDANO la Shinda Nyumba na Global Publishers awamu ya pili, limepokelewa vizuri na wasomaji wa maga­zeti ya Global Publishers, kampuni namba moja ya uchapishaji wa magazeti Tanzania.

Hii ni mara ya pili kwa shindano hili la shinda ny­umba kufanyika, huku awa­mu ya kwanza akipatikana mshindi wa mjengo wenye thamani ya mamilioni kutoka mkoani Iringa, Nelly Mwangosi.

Wasomaji wa Mbalizi wakichangamkiaMagazeti ya Global Publishers ili kujaribu bahati yao ya Kushinda Nyumba.

Wakizungumza na Cham­pioni Jumatatu wakati wa promosheni ya shindano hilo iliyofanyika katika mae­neo mbalimbali ya viunga vya Jiji la Mbeya, wasomaji hao walisema wana uhakika na kile kinachofanywa na Global Publishers.

“Siyo siri ninyi jamaa mko vizuri sana na hamna magu­mashi kwenye bahati nasibu zenu, hivyo nimejipanga ku­nunua kopi nyingi za maga­zeti ya Global Publishers ili nijitengenezee mazingira mazuri ya kuibuka mshin­di,” alisema Mussa Hassan ambaye ni Dereva Bajaji kwenye Kituo cha Kabwe.

Rodrick Robin, maarufu kama mzee wa Ijumaa Wik­ienda, alisema huu ndiyo wakati wa kujaribu bahati yake kutokana na kuwa mteja mzuri wa gazeti hilo ambalo huwa limesheheni hadithi zenye msisimko.

Wakazi wa Mwanjelwa wakichangamkia Shinda Nyumba.

“Nimekuwa mteja wa muda mrefu wa maga­zeti ya Global Publishers ila nilikuwa sitilii maanani mashindano yaliyokuwa yakiendeshwa kutokana na kutoamini kama mshin­di anapatikana bila kupangwa, ila baada ya kuona mshindi wa awamu ya kwanza kapatikana kutoka Iringa, tena ni mwa­namke mjasiriamali, nikashawishika sana na sasa tutakula sa­hani moja mpaka kieleweke,” alisema Robin.

Katika eneo la Nanenane ambapo ndiyo kuna stendi ya mabasi ya wilayani na mikoani, waso­maji wa magazeti ya Global Publishers wal­ionekana kufurahia awamu hii ya pili ya Shinda Nyumba na Global Publishers.

Kwa upande wao wauza magazeti wa Jiji la Mbeya na nyanda za juu kwa ujumla, wamewa­taka mawakala wa magazeti ya Global Publishers kuagiza nakala nyingi ili kue­pusha usumbufu kama ulivyojitokeza awamu ya kwanza ya shindano hili.

“Unajua shindano hili ni kubwa sana hapa Tanzania, hivyo kila mtu atataka kujari­bu bahati yake, tunawaomba mawakala wajitahidi kuagiza nakala za kutosha ili kuwaon­dolea usumbufu wasomaji na wateja wetu, msimu uli­opita kulikuwa na uhaba wa nakala, hivyo kuna baadhi ya wasomaji walikuwa wanako­sa nakala.”

Maeneo mengine ambayo promosheni hiyo ilifanyika ni Mbalizi, Uyole, Mwanjelwa, Soweto, Iyunga na Sokoma­tola.