MKUTANO Mkuu wa Umoja wa Mawakala Wauza Magazeti umekutana na kuzungumzia mambo mbalimbali yanayohusu Saccos yao waliyoianzisha miaka mitatatu iliyopita ambayo ilizinduliwa na Mkuu wa Mkoa wa Dar es Salaam, Paulo Makonda.
Umoja huo umekutana leo katika Shule ya Msingi Uhuru jijini Dar es Salaam ambapo wamezungumzia juu ya baadhi ya wanachama wa saccos hiyo waliokopa mkopo na hawajarudisha wakitakiwa warudishe fedha hizo ili wanachama wengine wapate kukopa.
Akizungumza katika kikao hicho, Mwenyekiti, Abdurahman Kapaka, amesema kikao cha leo kilikuwa ni kujadili mwenendo wa kuboresha Saccos yao na namna ya kuiendeleza kwani baadhi ya wanachama wamefanikiwa kunufaika na Saccos hiyo kutokana na kukopa na hivyo akaomba wanachama ambao hawajarejesha mikopo yao kuirejesha kwa wakati ili kuondokana na usumbufu kwa wengine.
