Dar es Salaam, Tanzania – Benki ya NMB kwa mara nyingine imeonyesha dhamira yake ya kushirikiana na taasisi za serikali katika kuboresha utoaji wa huduma kwa wananchi, baada ya kuwa mwenyeji wa ujumbe kutoka Ofisi ya Mwanasheria Mkuu wa Serikali (OAG), ulioongozwa na Naibu Mwanasheria Mkuu wa Serikali, Mhe. Samwel M. Maneno.
Ujumbe wa OAG ulihusisha pia viongozi mbalimbali wa serikali wakiwemo:
- Bw. Ipyana Mlilo – Mkurugenzi Msaidizi, Uratibu
- Bi. Leila Muhaji – Mkuu wa Kitengo cha Mawasiliano Serikalini
- Bw. Juma Mziray – Afisa TEHAMA Mwandamizi
- Bw. Nyamhanga Nyamhanga – Wakili wa Serikali
Katika mazungumzo yao, viongozi wa pande zote walisisitiza umuhimu wa ushirikiano kati ya sekta ya umma na binafsi katika kuongeza ufanisi wa utoaji huduma na kuchochea maendeleo jumuishi kwa jamii nzima.
“Ushirikiano kama huu unasaidia kuimarisha utawala bora, kuongeza uwazi, na kutumia teknolojia kuharakisha huduma kwa wananchi,” ilielezwa na mmoja wa washiriki wa kikao hicho.
Kikao hiki ni sehemu ya juhudi za pamoja katika kuendeleza matumizi ya TEHAMA, kuhimiza uwajibikaji, na kuwajengea uwezo watumishi wa sekta zote mbili kupitia majadiliano ya kitaalamu na ya kimkakati.
.jpeg)
.jpeg)
.jpeg)
