Mwanamitindo, Jasinta Makwabe, ameibua mjadala mtandaoni baada ya kuweka wazi kuwa hawezi kuwa kwenye mahusiano na mwanaume ambaye amemzidi urefu.

Kauli hiyo imezua maoni tofauti kutoka kwa watumiaji wa mitandao ya kijamii, huku baadhi wakisema suala la urefu limekuwa miongoni mwa vigezo vinavyozingatiwa katika mahusiano ya kimapenzi kwa wanawake wengi.

Wachangiaji mbalimbali wameeleza kuwa wanawake wengi hupendelea kuwa na wanaume warefu kutokana na sababu tofauti ikiwemo mvuto wa kimwili, kujiamini pamoja na mitazamo ya kijamii iliyojengeka kwa muda mrefu.

Wengine wameeleza kuwa baadhi ya wanawake hujihisi huru zaidi wanapokuwa na mwanaume mrefu, hasa wanapovaa viatu virefu au wanapokuwa hadharani.

Hata hivyo, wapo waliopinga mtazamo huo wakisema urefu wa mtu haupaswi kuwa kigezo kikuu katika kuchagua mwenza, bali tabia, heshima, uaminifu na uwezo wa kuelewana ndio mambo muhimu zaidi katika mahusiano.

Kauli ya Jasinta imeendelea kuzua mjadala mpana mtandaoni kuhusu vigezo vinavyozingatiwa katika mahusiano ya kisasa na namna jamii inavyotazama suala la muonekano wa kimwili katika mapenzi.

IRAN YAIONYA UAE – YADAI ILIJUA ZIARA ya SIRI ya NETANYAHU – “UADUI na IRAN ni KAMARI ya KIPUMBAVU”