Basi lililokuwa limebeba askari Polisi limegongana na gari dogo aina ya Noah iliyokuwa imebeba Wanajeshi wa JWTZ, katika maeneo ya Bwawani mkoani Morogoro.
Imeelezwa kuwa basi hilo la Polisi lilikuwa likitokea jijini Dodoma kwenye sherehe za Muungano zilizofanyika jana Aprili 26, 2018 huku Noah hiyo iliyokuwa na Wanajeshi takribani 6 pamoja na mtoto ikitokea Morogoro. Majeruhi wote wamepelekwa hospitali Morogoro
Hata hivyo, bado hakuna taarifa rasmi lakini habari za awali zinasema askari wawili wamefariki papohapo ingawa Kamanda wa Polisi, Ulrich Matei amesema atatoa taarifa za kina baaadae.
