Kamati ya Sheria na Hadhi za Wachezaji ya TFF imetupa shauri lililowasilishwa na Simba kuhusu uhalali wa usajili wa mchezaji Mohamed Damaro Camara.
Kwa mujibu wa uamuzi huo, kamati hiyo imeona kuwa hoja zilizowasilishwa hazina uzito wa kisheria au ushahidi wa kutosha kuweza kuthibitisha madai yaliyokuwa yakitolewa na klabu hiyo.
Shauri hilo lilikuwa likihusu utata wa uhalali wa mchezaji huyo kushiriki katika mashindano ya ndani, jambo lililozua mjadala mkubwa miongoni mwa wadau wa soka nchini.
Uamuzi huo wa TFF unamaanisha kuwa hakuna hatua zaidi za kisheria zitakazochukuliwa dhidi ya mchezaji huyo kwa sasa, na hivyo kuendelea kuwa halali kushiriki katika michezo ya ligi.
Hatua hiyo inatarajiwa kuleta mjadala mpya katika duru za soka nchini, huku wadau wakisubiri kuona kama Simba SC watachukua hatua nyingine kufuatia uamuzi huo.
