Kamati Kuu ya Halmashauri Kuu ya Chama Cha Mapinduzi (CCM) Taifa, katika kikao chake kilichofanyika Oktoba 11, 2026, Kizimkazi, Zanzibar, imefanya maamuzi mbalimbali ikiwemo uteuzi wa mgombea wa Ubunge, Katibu Mkuu wa Umoja wa Vijana wa CCM (UVCCM) pamoja na mabadiliko ya Wakuu wa Mikoa.
Katika uteuzi wa mgombea wa Ubunge, Kamati Kuu imemteua Dkt. Nettho Ndijina NDILITO kuwa mgombea atakayekiwakilisha CCM katika Uchaguzi Mdogo wa Ubunge wa Jimbo la Chamwino, mkoani Dodoma.
Aidha, Kamati Kuu imemteua Faris Buruhani kuwa Katibu Mkuu wa Umoja wa Vijana wa Chama Cha Mapinduzi (UVCCM). Faris alikuwa Mwenyekiti wa UVCCM Mkoa wa Kagera.
Katika mabadiliko ya Wakuu wa Mikoa, Ndugu Deogratius John Ndejembi ameteuliwa kuwa Mkuu wa Mkoa wa Dar es Salaam, huku Ndugu Kenani Laban Kihongosi akiteuliwa kuwa Mkuu wa Mkoa wa Dodoma.
Maamuzi hayo yametangazwa katika taarifa ya CCM iliyotolewa Oktoba 11, 2026, na kusainiwa na Katibu wa Halmashauri Kuu ya Taifa (NEC) Itikadi, Uenezi na Mafunzo, Kenani Laban Kihongosi.
