×

Tasis; Kutoka Kukomboa Maeneo Sudan Hadi Kudhibiti Ushawishi Harakati za Kiislamu

Operesheni za kijeshi zinazofanywa na vikosi vya Muungano wa Sudan Founding Alliance (Tasis) katika eneo la Blue Nile nchini Sudan zinaelezwa kuwa na maana inayozidi udhibiti wa maeneo ya kijiografia, huku muungano huo ukizihusisha na mapambano mapana dhidi ya jeshi la Port Sudan pamoja na wanamgambo wa Kiislamu wanaoshirikiana nalo, kwa lengo la kukomesha ushawishi wa Harakati ya Kiislamu nchini humo.

Katika taarifa yake iliyotolewa Novemba 19, 2026, vikosi vya Tasis vilitangaza kuwa vimefanikiwa kuyakomboa maeneo ya Al-Madina 12 na Dering, vikidai kuwa vimepata ushindi wa kijeshi dhidi ya jeshi la Port Sudan, ambalo kwa mujibu wa taarifa hiyo linaongozwa na Harakati ya Kiislamu.

Taarifa hiyo ilieleza kuwa vikosi vya Tasis vinaendelea kuwafuatilia wanajeshi wanaorudi nyuma kuelekea viunga vya mji wa Damazin, kufuatia operesheni zilizofanyika katika eneo hilo.

Aidha, muungano huo ulihusisha mafanikio hayo ya kijeshi na malengo mapana ya kisiasa, ukisisitiza kuwa operesheni hizo zitaendelea hadi nchi nzima itakapokombolewa na kujengwa upya kwa misingi ya haki na usawa.

Hata hivyo, madai ya ushindi na udhibiti wa maeneo yaliyotajwa yametolewa na vikosi vya Tasis kupitia taarifa yao, bila uthibitisho huru uliotolewa katika taarifa hiyo.

Leave a Comment