Serikali Yatoa Majibu Juu ya Hoja za Jumuiya ya Kimataifa Kuhusu Vurugu za Uchaguzi

Serikali ya Jamhuri ya Muungano wa Tanzania imesema imepokea na kuzingatia taarifa na maoni ya umma yaliyotolewa kwa nyakati tofauti katika wiki iliyopita na washirika wa maendeleo na serikali kuhusu Tanzania na matukio ya tarehe 29 Oktoba 2025.

Taarifa ya Desemba 5, 2025 imetaja orodha ya washirika wa maendeleo na serikali ambazo ni pamoja na Ubelgiji, Canada, Denmark, Ujumbe wa Umoja wa Ulaya, Finland, Ufaransa, Ghana, Ujerumani, Ireland, Italia, Uholanzi, Norway, Poland, Slovakia, Uhispania, Sweden, Uswisi, Uingereza, Baraza la Haki za Binadamu la Umoja wa Mataifa, Marekani, na Wakfu wa Thabo Mbeki.

Tanzania imeeleza wasiwasi wake kuhusu yaliyomo katika matamko hayo licha ya ushirikishwaji wa wazi kati ya Waziri wa Mambo ya Nje na Ushirikiano wa Afrika Mashariki na wanachama wa Kikosi cha Kidiplomasia kilichoidhinishwa Tanzania, uliofanyika tarehe 28 Novemba 2025.

Tanzania imesema kuwa ingawa inatambua jukumu la jumuiya ya kimataifa katika kukuza demokrasia na maendeleo ya kijamii na kisiasa nchini, ni muhimu pia kutambua kuanzishwa kwa Tume ya Uchunguzi ambayo itachunguza vurugu za baada ya uchaguzi na kutoa ripoti hiyo na kubainisha kuwa matokeo ya ripoti hiyo yataleta uelewa wa matukio mabaya yaliyotokea na kuunda msingi wa ushirikishwaji wa kujenga wa siku zijazo.

“Tanzania inasakia kujitolea kwa ushirikiano wa kujenga wa kimataifa kwa ajili ya amani na maendeleo na kwa heshima inawaomba wadau wote kuruhusu mifumo ya kitaifa kutekeleza na hatua zilizochukuliwa na serikali.” imesema sehemu ya taarifa ya Tanzania.

“Zaidi ya hayo, Serikali ya Jamhuri ya Muungano wa Tanzania inataka kuwahakikishia jumuiya ya kimataifa na washirika wa maendeleo kuhusu utayari wake na kujitolea kwake kuendelea kushiriki katika masuala yote yenye maslahi ya pande zote, kama washirika sawa”— imesema