MAKALA | CHAMPIONI | LONDON, England
UNAPOTAJA mastaa katika Premier huwezi kulisikia jina la Laurent Koscielny likitajwa, lakini huyu ni mmoja wa mabeki bora katika ligi hiyo.
Pengine jina lake halitajwi kwa sababu anacheza katika nafasi ya ulinzi na kasumba ya soka ni kwamba ni vigumu kwa mabeki kutajwa, unapozungumzia mastaa. Mara nyingi hutajwa zaidi watu wanaofunga mabao.
Koscielny, 31, wiki iliyopita alifikisha mechi ya 200 akiichezea Arsenal kwenye Ligi Kuu England, hakuna anayejua hilo au hata kama wanajua, basi wameamua kunyamaza.
Rekodi zake katika mechi hizo 200 za Premier ni balaa. Mfaransa huyu amejiimarisha katika safu ya ulinzi ya Arsenal na hivi sasa anacheza kwa kuelewana vilivyo na ingizo jipya, Shkodran Mustafi.
Tangu atue Arsenal akitokea katika kikosi cha Lorient ya Ufaransa, beki huyu amekuwa nguzo muhimu katika kikosi cha The Gunners na hata akikosekana dimbani kwa sababu yoyote ile, pengo lake limekuwa ni vigumu kuzibika.
Wiki iliyopita, mkali h u y u asiyetajwa sana, alifikisha mechi yake ya 200 kwenye Premier akiwa na Arsenal huku kwa ujumla akiwa amecheza mechi 274 za michuano yote na kufunga mabao 22. Kwenye Premier amefunga mabao 17.
Lakini usisahau kuwa katika mchezo wake wa 200 wa Premier akiwa na Arsenal iliyokuwa ikiivaa Burnl e y , ndiye aliyesababisha penalti ya dakika ya 97, iliyotumiwa vyema na fowadi Alexis Sanchez kuipatia Arsenal bao la ushindi na kuondoka uwanjani kifua mbele ikiwa imeshinda 2-1. Hiyo ilikuwa ni baada ya Burnley kusawazisha katika dakika ya 93.
Koscielny huyuhuyu ndiye aliyefunga bao la utata la mkono katika mchezo wa kwanza wa Arsenal na Burnley dakika za mwisho na kuifanya timu hiyo iondoke uwanjani na pointi tatu muhimu baada ya kushinda 1-0.
Koscielny, aliyemuoa mwana m k e mrembo Claire Beaudouin na ambaye hivi karibuni amesaini mkataba mpya, ana rekodi kibao alizotengeneza tangu atue Arsenal na nyingi huenda hazifahamiki kwa kuwa hasikiki kiaina.
REKODI:
Koscielny ni Mfaransa wa nne kufikisha mechi 200 za Premier akiichezea Arsenal na ni mchezaji wa 15 kwa ujumla kufikisha mechi 200 za Premier katika historia ya klabu hiyo.
Kwa kipindi cha misimu saba tangu atue Arsenal, hakuna mchezaji mwingine wa Arsenal aliyecheza mechi nyingi kama Koscielny. Ndiye aliyeitumikia timu hiyo mara nyingi zaidi kuliko mwingine yeyote tangu wakati huo.
Koscielny pia ameshinda ‘tackling’ nyingi zaidi hadi sasa msimu huu k u l i k o wakat i m w i n g i n e wowote katika msimu uliopita. Hadi sasa ‘ame-tackle’ mara 30.
Usisahau kwamba Koscielny ndiye aliyefunga mabao mengi zaidi ya Premier kuliko beki mwingine yeyote katika historia ya Arsenal. Amefunga mabao 17.
Mechi ya kwanza ya Koscielny katika Premier akiwa na uzi wa Arsenal ilikuwa ni Agosti 15, 2010 dhidi ya Liverpool kwenye Uwanja wa Anfield, mchezo uliomalizika kwa sare ya bao 1-1 na alitolewa uwanjani kwa kadi nyekundu dakika za mwishoni.
Koscielny hadi sasa amecheza wastani wa dakika 84 kwa mechi kwani ametolewa uwanjani kama ‘sub’ mara 13 tu tangu alipotua Emirates.
WACHEZAJI WA ARSENAL WALIOFIKISHA MECHI ZA PREMIER 200 NA ZAIDI:
David Seaman 325
D.Bergkamp 315
Martin Keown 310
Lee Dixon 305
Patrick Vieira 279
Nigel Winterburn 270
Thierry Henry 258
Tony Adams 255
Theo Walcott 252
Kolo Toure 225
Freddie Ljungberg 216
Bacary Sagna 213
Cesc Fabregas 212
Laurent Koscielny 200
TAKWIMU ZA
KOSCIELNY:
Dakika alizocheza: 16,813
Mechi ambazo hajaruhusu bao: 76
Mabao: 17
Asisti: 2
Tackles alizoshinda: 261
Kushinda mipira ya juu: 62%
Kazuia mipira: 580
Kagusa mpira mara: 11,666
Kaokoa hatari mara: 1,204
Kasababisha faulo: 170
Njano: 26
Nyekundu: 4.
