Profesa Jay Afunga Ndoa Kanisa la Mtakatifu Joseph, Dar (Pichaz + Video)

Profesa Jay amefunga ndoa katika Kanisa la Mtakatifu Joseph lililoko Posta jijini Dar es Salaam leo Jumamosi Julai 08, 2017 na mpenzi wake wa siku nyingi Grace Mgonjo.

Cherekochereko za tukio kubwa la Mbunge wa Jimbo la Mikumi kupitia tiketi ya Chama cha Demokrasia na Maendeleo (Chadema), Joseph Haule almaarufu Profesa Jay limetikisa Jiji la Dar baada ya kufuatiliwa na watu wengi. Ndoa hiyo ya Profesa Jay ilikuwa ni kati yake na mpenzi wake huyo wa muda mrefu. Kabla ya ndoa hiyo iliyoibua shangwe kwa ndugu, jamaa na marafiki waliofurika kanisani hapo, msafara wa kuelekea kanisani ulianzia nyumbani kwa Profesa Jay, Kimara-Temboni jijini Dar.

Ndoa hiyo ilifuatiwa na sherehe ya kukata na shoka iliyofanyika kwenye Ukumbi wa Mlimani City jijini Dar ambapo waalikwa walipata nafasi ya kula, kunywa hadi kusaza huku shughuli nzima ikipambwa na mahudhurio ya mastaa kibao wa Bongo.
“Namshukuru Mungu nimetimiza ahadi ya ndoa kwa mchumba wangu ambaye tumepitia mabonde na milima,” alisema Profesa Jay baada ya kutoka kanisani hapo.

Mr. II — *Joseph Mbilinyi ‘Mr II’ (kulia), ambaye pia ni Mbunge wa Mbeya mjini kwa tiketi ya Chadema, akiwa kanisani wakifuatilia ibada ya ndoa.*

Prosejajay — *Prof. Jay akiwa na Best Man wake muda mfupi kabla ya kuingia kanisani.*

@professorjaytz baada ya kufunga ndoa na mpenzi wake.

A post shared by Global Publishers (@globalpublishers) on Jul 8, 2017 at 6:11am PDT

Maharusi @professorjaytz na mkewe wanavyomelemeta.

A post shared by Global Publishers (@globalpublishers) on Jul 8, 2017 at 6:13am PDT

#VIDEO. HATIMAYE PROFESSA JAY AFUNGA NDOA LEO NA BI. GRACE… SHUHUDIA HAPA LIVE BILA CHENGA TUKIO HILI LA KIHISTORIA NDUGU YETU AKIFUNGA PINGU ZA MAISHA. . . TUPIA NENO LA **HONGERA** KWAKE KAMA ISHARA YA KUMTAKIA MAISHA MEMA YA NDOA TAKATIFU Ingia globalTvOnline utazame tukio lote.