×

Iddi Simba Akizikwa Dar, Vilio Na Majonzi Vyatawala

Global Publishers February 14, 2020 0 Comments

**Waombolezaji wakiwa wamebeba jeneza lenye mwili wa marehemu Makaburi ya Mwinyimkuu, Magomeni jijini Dar.**

Vilio na majonzi vilitawala leo Februari 14, 2020 wakati mwili wa Waziri wa zamani wa Serikali ya Awamu ya Tatu, Iddi Simba ukizikwa katika Makaburi ya Mwinyimkuu, Magomeni, Dar.

***Rais Mstaafu, Benjamin Mkapa akimzika Iddi Simba, nyuma kushoto Rais Mstaafu Jakaya Kikwete akionekana na majonzi.***

Maziko hayo yalihudhuriwa na umati mkubwa wa watu wakiwemo marais wastaafu, Benjamin Mkapa, Jakaya Kikwete na Makamu wa Rais Mstaafu, Dkt Ghalib Bilal na wengineo.

**Mwanaharakati wa Kiislamu, Shehe Issa Ponda (kulia) na Imamu wa Msikiti wa Ilala Bungoni, Shehe Abdul Wakati wakiwa makaburini hapo.**

Baada ya dua ya kumuombea marehemu huyo, Mjumbe wa Baraza Kuu la Waislamu nchini (Bakwata), Shehe Hamisi Mataka alimuelezea marehemu huyo alivyofanya nae kazi kwa miaka tisa kabla ya kupatwa na umauti huo. Shehe Mataka alieleza jinsi marehemu alivyokuwa na hofu ya Mungu kipindi cha uhai wake.