Klabu ya Simba SC ya Tanzania leo inatarajiwa kushuka dimbani kuikabili Al Masry ya Misri katika mchezo wa marudiano wa robo fainali ya Kombe la Shirikisho la CAF, utakaopigwa kwenye Uwanja wa Benjamin Mkapa jijini Dar es Salaam saa 10:00 jioni.
Simba SC watalazimika kushinda kwa zaidi ya mabao mawili ili kufuta kichapo cha mabao 2-0 walichopokea kwenye mchezo wa kwanza uliopigwa Aprili 2 huko Misri. Katika mchezo huo, Al Masry walipata ushindi kupitia mabao ya Abderrahim Deghmoum dakika ya 16 na John Ebuka dakika ya 89.
Simba SC, wakitumia faida ya uwanja wa nyumbani na nguvu ya mashabiki wao, wanatarajiwa kuingia kwa kasi na ari kubwa kuhakikisha wanapata matokeo mazuri. Kocha wa timu hiyo amesisitiza kuwa wachezaji wake wako tayari kupambana hadi mwisho kuhakikisha wanatinga hatua ya nusu fainali.
Mashabiki wa soka nchini na barani Afrika kwa ujumla wanatarajia mchezo wa kusisimua, huku kila upande ukihitaji ushindi kwa namna tofauti – Simba wakisaka ushindi mnono na Al Masry wakihitaji sare au kutofungwa zaidi ya mabao mawili.
