Watanzania na Wanajumuiya ya Afrika Mashariki Wahimizwa Kudumisha Amani

Dar es Salaam 24 Aprili 2025: Watanzania na Wanajumuiya ya Afrika Mashariki wametakiwa kuendelea kudumisha amani na hasa kipindi hiki ambacho Taifa la Tanzania linaelekea katika Uchaguzi Mkuu unaotarajia kufanyika Oktoba mwaka huu.
Kauli hiyo imetolewa na  Mchungaji Patrick  Muthee kutoka nchini Kenya ambao wapo nchini Tanzania kwa mwaliko  wa Kwaya ya Gethsemane Group Kinondoni (GGK) kutokea Kanisa  la Wadventista Wasabato Kinondoni Jijini Dar es Salaam  pamoja na uongozi wa kanisa  ambapo wameandaa Wiki ya maombi yakiwemo ya kuliombea Taifa letu la Tanzania amani,upendo na mshikamano.

“Tumekuja nchini Tanzania kuungana na ndugu zetu wa Kwaya ya Gethsemane pamoja na Kanisa Group Kinondoni (GGK)ambapo wameandaa wiki ya maombi mbalimbali ya kuliombea Taifa na kwa wakati huu kuomba amani,Umoja na mshikamano ni kipaumbele chetu kwani tunatambua Watanzania watakuwa na uchaguzi Mkuu mwaka huu.Hivyo tunawaombea wawe na amani.”

Pia  Mchungaji Mwangi amesema Tanzania na Kenya wamekuwa na mahusiano ya karibu na undugu wao umekuwepo tangu wakati wanamfukuza mkoloni na kupata uhuru na hiyo imeipatia Kanisa kipaumbele kupeleka injili pamoja na kanisa la Waadventista Wasabato Kinondoni kinondoni na kiongozi wa jumuiya ya Afrika.