Kiongozi wa Jamhuri ya Kiislamu ya Iran, Ayatollah Ali Khamenei, amesema kuwa Iran na Marekani zina “tofauti za kutoelewana” na “migogoro ya kimaslahi,” lakini akaongeza kuwa ushirikiano kati ya mataifa hayo mawili unawezekana iwapo masharti fulani yatatimizwa.
Akizungumza katika mkesha wa kumbukumbu ya mwaka wa kukaliwa kwa mabavu Ubalozi wa Marekani mjini Tehran, Khamenei alisema:
“Iwapo Marekani itaacha kabisa uungaji mkono wake kwa utawala wa Kizayuni, itaziondoa kambi zake za kijeshi katika eneo hili, na kuacha uingiliaji wake — suala hili linaweza kuchunguzwa.”
Hata hivyo, Khamenei alisisitiza kuwa ombi la Marekani la kutaka ushirikiano na Iran halitazingatiwa “katika siku za usoni za karibu,” bali katika muda mrefu zaidi wa baadaye.
Kauli ya Khamenei imekuja saa chache baada ya Rais wa Marekani, Donald Trump, kuhojiwa na mtandao wa Marekani wa CBS, ambapo alisema kuwa Iran “inatamani kufikia makubaliano” na Marekani.
