Msanii na staa wa mitandaoni, Nana Dollz, ameweka wazi sababu iliyosababisha ndoa yake kushindikana kufikia hatua ya mafanikio, akieleza kuwa alilazimika kuchagua kati ya kazi na mahusiano.
Akizungumza, Nana Dollz alisema alifanya uamuzi mgumu wa kuipa kipaumbele kazi yake, hatua ambayo hatimaye ilisababisha kuvunjika kwa uhusiano huo. “Nilichagua kazi,” alisema, akiongeza kuwa hata alirudisha gari alilopewa na mwenza wake kama sehemu ya kumaliza kabisa mahusiano hayo.
Kauli hiyo imeibua mjadala mkubwa mitandaoni, huku baadhi ya watu wakimuunga mkono kwa kuamua kusimamia malengo yake ya maisha, na wengine wakiona kuwa maamuzi hayo yanaonesha changamoto zinazokumba mahusiano ya kisasa.
Nana Dollz ameongeza kuwa licha ya maamuzi hayo kuwa magumu, anaamini yalikuwa sahihi kwa mustakabali wake binafsi na wa kitaaluma.
