Bruno Fernandes ameendelea kuonyesha ubora wake ndani ya Manchester United F.C. baada ya kuweka rekodi mpya ya pasi za mabao nyingi ndani ya msimu mmoja wa Ligi Kuu ya Uingereza 2025/2026 kwa kufikisha assists 21 na kuwazidi mastaa waliowahi kutamba kama Thierry Henry na Kevin De Bruyne.
Kiungo huyo wa Ureno aliiongoza United kwenye ushindi mnono dhidi ya Brighton & Hove Albion F.C. baada ya kutoa kona iliyomkuta Patrick Dorgu aliyefunga bao la kwanza kabla Bruno mwenyewe hajafunga bao lililothibitishwa kupitia VAR.
Mashabiki wa United walisikika wakisema “Bruno, Bruno, Bruno” huku wakionyesha namna wanavyomthamini nahodha huyo ambaye ameendelea kuwa mhimili mkubwa wa timu hiyo.
Kocha Michael Carrick naye aliendelea kuonyesha mwanzo mzuri tangu apewe majukumu ya kudumu baada ya kuiongoza United kupata ushindi wa 12 ndani ya michezo 17.
Wakati huo huo, mashabiki wa United walionekana kufurahia kuondoka kwa Pep Guardiola kutoka ushindani wa msimu ujao huku matumaini mapya yakionekana kurejea ndani ya klabu hiyo yenye mataji 20 ya England.
