Leo Juni 6, 2026 saa 16:00 usiku, Uwanja wa Stade Roi Baudouin mjini Brussels, Ubelgiji utakuwa jukwaa la mchezo wa kirafiki kati ya Ubelgiji na Tunisia.
Kwa Ubelgiji ambao wamepangwa Kundi G la Kombe la Dunia 2026 pamoja na Misri, Iran na New Zealand, huu ni mchezo wao wa mwisho kabla ya kuelekea Amerika Kaskazini. Tunisia kwa upande wao wanajiandaa kwa ajili ya kuonekana kwao kwa saba katika fainali hizo.
Katika historia ya makabiliano, timu hizi zimekutana mara tatu tangu 2002, Ubelgiji wakishinda mechi mbili na sare moja ikitokea. Mabao ya jumla katika mechi hizo ni 7-3 kwa faida ya Ubelgiji. Mechi yao ya mwisho ilikuwa Kombe la Dunia 2018 nchini Urusi, ambako Ubelgiji walishinda 5-2 katika hatua ya makundi.
Ubelgiji wanaingia kwenye dimba wakiwa na kasi kubwa baada ya ushindi wa kuvutia wa 2-0 dhidi ya Croatia Juni 2, 2026. Mabao yalifungwa na nahodha Youri Tielemans dakika ya 38 na Romelu Lukaku wakati wa dakika za majeruhi. Safu ya ulinzi iliyoongozwa na Thibaut Courtois imekuwa ngome mfululizo, huku Ubelgiji wakiwa na rekendi ya kutofungwa katika mechi 11 mfululizo hadi kufikia ushindi huo. Kevin De Bruyne, ambaye alicheza dakika zote 90 dhidi ya Croatia, anatarajiwa kuwa kwenye kikosi cha leo licha ya wasiwasi wa awali.
Ingia kwenye kasi ya kujishindia pesa kwenye michezo ya Kasino ya Mtandaoni kama vile, Keno, Aviator, Poker, Roulette, Wild Icy Fruits, Super Heli na mingine kibao. Jiunge leo kwa kutembelea tovuti ya meridianbet.co.tz au piga *149*10# kisha uanze safari yako ya ushindi.
Kwa upande wa Tunisia, Kocha Sabri Lamouchi ametangaza orodha ya wachezaji 26 watakaoshiriki Kombe la Dunia. Orodha hiyo imekosa nyota kadhaa wakiwemo Mohamed Ali Ben Romdhane (Al Ahly), Seifeddine Jaziri (Zamalek), na Ali Maâloul (CS Sfaxien). Miongoni mwa wachezaji waliobahatika ni mshambuliaji kijana Khalil Ayari wa Paris Saint-Germain ambaye ameitwa kwa mara ya kwanza katika timu ya taifa. Katika mechi yao ya kwanza ya kirafiki ya dirisha hili, Tunisia walipata sare ya 1-1 dhidi ya Austria Juni 1 mjini Vienna.
Stade Roi Baudouin unatazamiwa kujaa mashabiki zaidi ya 45,000, na hali ya hewa inatabiriwa kuwa ya joto la wastani kwa ajili ya soka. Wachambuzi wanatabiri ushindi wa Ubelgiji kutokana na rekodi yao nzuri ya hivi karibuni na nguvu za nyumbani. Hata hivyo, Tunisia wana kikosi chenye vipaji kama Ellyes Skhiri, Hannibal Mejbri, na Montassar Talbi, na watajitahidi kuondoka na matokeo chanya kabla ya safari yao ya Amerika. Mechi hii itakuwa mtihani mwisho kabisa kwa makocha wote wawli kabla ya vita vikali vya Kombe la Dunia kuanza Juni 11.
