Timu ya Taifa ya Cape Verde imeandika historia baada ya kutoka sare ya 0-0 dhidi ya Hispania katika mechi ya kwanza ya Kombe la Dunia, lakini simulizi kubwa zaidi lilikuwa ni ya mlinda mlango wao Vozinha na mama yake.
Vozinha, ambaye jina lake halisi ni Josimar José Évora Dias, alicheza kwa kiwango cha juu sana na kusaidia timu yake kuzuia mashambulizi ya moja ya timu bora duniani. Hata hivyo, baada ya mechi alishindwa kujizuia na kulia kutokana na hisia kali za mafanikio na changamoto binafsi alizopitia.
Mama yake, Ana Candida Évora, hakuweza kusafiri kwenda Marekani kushuhudia mechi hiyo muhimu jijini Atlanta kutokana na changamoto ya visa na gharama za safari.
Kwa mujibu wa taarifa, familia nyingi za wachezaji wa Cape Verde hukumbana na changamoto za kifedha na vikwazo vya usafiri vinavyofanya iwe vigumu kuhudhuria mashindano makubwa kama Kombe la Dunia.
Wizara ya Mambo ya Nje ya Marekani ilieleza kuwa haina kumbukumbu ya maombi ya visa kutoka kwa mama yake Vozinha, lakini imesema iko tayari kusaidia familia hiyo kupata huduma za visa.
