×
Global Publishers

Raila Odinga Ajiapisha Kuwa ‘Rais wa Wananchi wa Kenya’

Global Publishers January 30, 2018

KIONGOZI wa upinzani Raila Odinga (NASA) ameapishwa kuwa ‘Rais wa Wananchi’ wa Kenya licha ya kugomea uchaguzi mkuu wa marudio nchini humo.

 

Raila Odinga amefika katika Uwanja wa Uhuru Park pamoja na viongozi wengine wakuu wa NASA akiwemo Moses Wetangula na Musalia Mudavadi na kujiapisha akishika Biblia.

 

Aidha, mgombea mwenza wake Kalonzo Musyoka wa Chama Cha Wiper hakuwepo wakati wa kuapishwa kutokana na kuhofia kukamatwa, ambapo Odinga amesema ataapishwa baadaye.

 

“Odinga amesema leo ni siku ya kihistoria kwa Kenya, hatua ya leo ni kuelekea kutoa udikteta na kuleta demokrasia Kenya, maelekezo mengine mtayapata baadae,” alisema Odinga baada ya kuapishwa. Awali Raila Odinga aliiambia kituo cha habari cha KTN kwamba shughuli hio ‘ si mapinduzi ya serikali’

 

Raila aligomea uchaguzi huo kwa sababu za kusema kuwa tume ya Uchaguzi nchini humo si ya Uhuru na haki. Uchaguzi huo wa marudio ulikuja baada ya Mahakama ikiongozwa na Jaji Maraga kutengua Uchaguzi wa awali uliofanyika 8 Agosti.

Katika uchaguzi huo wa Oktoba, Rais Kenyatta alitangazwa mshindi akiwa na kura 7.5 milioni ambazo ni sawa na asilimia 98 ya kura zilizokuwa zimepigwa.

 

Waliojitokeza kushiriki uchaguzi huo walikuwa 39% kati ya waliojiandikisha kupiga kura. Kenyatta aliapishwa kuwa Rais wa Kenya baada ya uchaguzi wa marudio mnamo tarehe 28/11/2017.

Global Publishers App imekurahisishia kutazama matokeo ya kidato cha nne kupitia simu ya mkononi. Install Global Publishers sasa uyasome yote: Bofya  au 

Related Posts

Airtel Yatumia Teknolojia ya Mawasiliano Kuboresha Elimu ya Sekondari - Global Publishers HABARI

Airtel Yatumia Teknolojia ya Mawasiliano Kuboresha Elimu ya Sekondari

April 27, 2017
Rais Samia: Watanieleza Hizo Bilioni 1 Wamepeleka Wapi – Video - Global Publishers HABARI

Rais Samia: Watanieleza Hizo Bilioni 1 Wamepeleka Wapi – Video

July 8, 2021
Makalla amtaka mkandarasi kuikabidhi MV Mwanza Agosti - Global Publishers HABARI

Makalla amtaka mkandarasi kuikabidhi MV Mwanza Agosti

July 10, 2023
Wasira Aungana na Dkt. Nchimbi Katika Mazishi ya Abbas Mwinyi - Global Publishers HABARI

Wasira Aungana na Dkt. Nchimbi Katika Mazishi ya Abbas Mwinyi

September 26, 2025


DAKTARI

GLOBAL TV Online




SIMBA
YANGA
NEWS