Dar es Salaam, 30 Aprili 2026 — Kufuatia tangazo rasmi lililochapishwa na LATRA, Bolt Tanzania itaanza kutekeleza ongezeko la nauli la asilimia 22 kuanzia tarehe 1 Mei 2026. Hatua hii inafuatia ongezeko la asilimia 33.4 la bei za mafuta hapa nchini.
Marekebisho haya ni sehemu ya utekelezaji wa hatua za udhibiti zilizolenga kuimarisha uthabiti wa sekta ya usafiri wakati wa kupanda kwa gharama za uendeshaji. Mafuta yanaendelea kuwa miongoni mwa gharama kubwa kwa madereva, na muundo mpya wa nauli unakusudia kupunguza athari za shinikizo endelevu la bei za mafuta.
Tunaendelea kusisitiza dhamira yetu ya kusawazisha unafuu wa nauli kwa abiria na mapato endelevu kwa madereva, huku tukihakikisha huduma zinaendelea kutolewa katika maeneo yote tunayohudumia.
Katika muktadha huo, tunaendelea kushirikiana kwa karibu na mamlaka husika ili kuimarisha mfumo thabiti na unaozingatia kanuni katika sekta ya usafiri wa mtandao wakati wa kipindi hiki cha mpito.
Bolt inabaki na dhamira ya uwazi, usalama na uendelevu wa muda mrefu katika mfumo wa usafiri nchini Tanzania.
