Rais wa Jamhuri ya Muungano wa Tanzania, Dkt. Samia Suluhu Hassan, leo Jumatano, Julai 1, 2026, amewaapisha viongozi aliowateua hivi karibuni katika hafla iliyofanyika Ikulu, Dar es Salaam.
Hafla hiyo ilihudhuriwa na viongozi mbalimbali wa Serikali, akiwemo Spika wa Bunge, Mussa Zungu.
Miongoni mwa viongozi walioapishwa ni Dk. Grace Magembe, aliyeteuliwa kuwa Katibu Mkuu wa Wizara ya Afya. Kabla ya uteuzi huo, Dk. Magembe alikuwa akihudumu kama Mganga Mkuu wa Serikali.
Pia, Charles Kadonya aliapishwa kuwa Katibu Mkuu wa Wizara ya Mambo ya Nje na Ushirikiano wa Afrika Mashariki anayeshughulikia masuala ya Afrika Mashariki.
Aidha, Nolasco Kipanda aliapishwa kuwa Katibu wa Tume ya Utumishi wa Umma. Kabla ya uteuzi huo, alikuwa Mkurugenzi wa Uendelezaji wa Taasisi katika Ofisi ya Rais – Menejimenti ya Utumishi wa Umma na Utawala Bora.
Uapisho huo unafuatia uteuzi uliofanywa hivi karibuni na Rais Samia ikiwa ni sehemu ya kuimarisha utendaji na ufanisi katika taasisi mbalimbali za Serikali.
