MWANADADA maarufu katika mitandao ya kijamii, Pinela Justine, leo Oktoba 22, 2026 kusherehekea siku yake ya kuzaliwa akiwa na familia yake katika hoteli ya Ramada Resort Dar es Salaam, huku akiwaalika watu wenye zawadi kufika kumuona na kushiriki naye furaha ya siku hiyo maalumu.
Kupitia ujumbe aliouchapisha kwenye mitandao ya kijamii, Pinela ameonesha furaha na shukrani kwa Mungu kwa kumwezesha kufikia hatua aliyonayo maishani, akieleza jinsi anavyojivunia mtu aliyekuwa leo.
“Happy birthday to me. I am so proud of who I have become. What a big God I have,” ameandika Pinela, akionesha namna anavyothamini safari yake ya maisha na mafanikio aliyoyapata.
Akizungumzia mipango yake ya kusherehekea siku hiyo kupitia ukurasa wake wa insta, Pinela amesema kwa sasa atakuwa pamoja na familia yake katika hoteli ya Ramada Resort Dar es Salaam, huku akiwakaribisha watu wanaotaka kumpelekea zawadi kufika eneo hilo.
Aidha, amesema atashiriki na wafuasi wake matukio mbalimbali ya sherehe hizo kupitia mitandao ya kijamii, ikiwemo zawadi atakazopokea kutoka kwa watu watakaofika kumuona.
Kwa namna ya utani, mwanadada huyo amesema ameamua kutumia siku hiyo kusubiri na kushuhudia namna watu watakavyoonesha upendo wao kwake kupitia salamu, zawadi na ishara nyingine za kumtakia heri ya siku ya kuzaliwa.
Kauli hiyo imeibua taswira ya namna Pinela anavyotarajia kuadhimisha siku yake ya kuzaliwa kwa kushirikiana na familia yake pamoja na watu wanaomzunguka, huku akitumia fursa hiyo kutambua upendo wanaompa.
Pinela ni miongoni mwa majina yanayofahamika katika mitandao ya kijamii, ambako watu mbalimbali hufuata shughuli na matukio yanayohusu maisha yake.
