Unalikumbuka sakata la kauli ya “Hatuchezi” iliyotikisa soka la Tanzania na kuhusisha watani wa jadi, Simba SC na Yanga SC?
Sakata hilo liliibua mijadala mikubwa miongoni mwa wadau wa soka nchini, huku aliyekuwa Mtendaji Mkuu wa Bodi ya Ligi Kuu Tanzania Bara (TPLB), Almas Kasongo, akijikuta akikabiliwa na lawama nyingi kuhusiana na suala hilo.
Kutokana na nafasi yake wakati huo, Kasongo alibeba sehemu kubwa ya lawama zilizotokana na sakata hilo, ambalo hatimaye liliambatana na kuondolewa kwake kwenye nafasi ya Mtendaji Mkuu wa Bodi ya Ligi na Rais wa Shirikisho la Mpira wa Miguu Tanzania (TFF), Wallace Karia.
Kwa sasa, Kasongo anahudumu kama Mkurugenzi wa Timu za Taifa, na ameamua kufunguka kuhusu sakata hilo lililozua gumzo kubwa katika ulimwengu wa soka la Tanzania.
Kasongo amefika katika studio za Global TV, ambako amefanya mazungumzo na mtangazaji @officialcosmo, akieleza mambo mbalimbali kuhusu sakata hilo pamoja na uzoefu wake katika uongozi wa soka nchini.
Mazungumzo hayo yanatarajiwa kutoa mwanga zaidi kuhusu kilichojiri nyuma ya pazia la sakata la “Hatuchezi,” lawama alizokabiliana nazo Kasongo na mtazamo wake kuhusu matukio yaliyotikisa soka la Tanzania wakati huo.
Je, Kasongo amefichua nini kuhusu sakata hilo? Ni mambo gani ambayo umma haukuwa ukiyafahamu?
