Rais Samia na Rais wa Angola Waelekea Dodoma kwa SGR Kuzindua Mji wa Serikali

Dkt. Samia Suluhu Hassan, Rais wa Jamhuri ya Muungano wa Tanzania, akiwa ndani ya Treni ya SGR pamoja na mgeni wake João Manuel Conçalves Lourenço, Rais wa Jamhuri ya Angola Treni ya SGR wakati wakielekea Jijini Dodoma kwa ajili ya uzinduzi wa Mji wa Serikali Mtumba pamoja na barabara za lami, tarehe 30 Oktoba, 2026.

Rais wa Jamhuri ya Muungano wa Tanzania, Dkt. Samia Suluhu Hassan, akiwa pamoja na Rais wa Jamhuri ya Angola, João Manuel Gonçalves Lourenço, wamewasili katika Stesheni ya Magufuli jijini Dar es Salaam tayari kwa safari ya kuelekea jijini Dodoma.

Viongozi hao wanatarajiwa kushiriki katika hafla ya uzinduzi wa Mji wa Serikali Mtumba pamoja na barabara za lami, itakayofanyika Oktoba 30, 2026.

Dkt. Samia Suluhu Hassan, Rais wa Jamhuri ya Muungano wa Tanzania, pamoja na mgeni wake João Manuel Conçalves Lourenço, Rais wa Jamhuri ya Angola wakiwa katika Stesheni ya Magufuli tayari kwa safari ya kuelekea Jijini Dodoma kwa ajili ya uzinduzi wa Mji wa Serikali Mtumba pamoja na barabara za lami, tarehe 30 Oktoba, 2026.

Ziara hiyo ni sehemu ya shughuli za Rais wa Angola nchini Tanzania, huku ushiriki wake katika hafla hiyo ukiwa sehemu ya kuimarisha uhusiano na ushirikiano kati ya mataifa hayo mawili.

Mji wa Serikali Mtumba ni eneo muhimu katika utekelezaji wa mpango wa Serikali wa kuimarisha shughuli za kiutawala jijini Dodoma, makao makuu ya nchi.