×

Arsenal Yaponea Chupuchupu Kichapo Dhidi ya Newcastle, Madueke Aiokoa

Mabingwa watetezi wa Ligi Kuu England, Arsenal, wamelazimishwa sare ya mabao 2-2 na Newcastle United katika mchezo mkali uliopigwa kwenye Uwanja wa St James’ Park.

Arsenal walilazimika kupambana hadi dakika za mwisho kupata alama moja, baada ya Noni Madueke kufunga bao la kusawazisha dakika ya 78 na kuiokoa timu yake dhidi ya kipigo ugenini.

Newcastle United ndio walioanza kupata bao kupitia Harvey Barnes dakika ya 49, kabla ya Malick Thiaw kuongeza la pili dakika ya 62 na kuwapa wenyeji matumaini ya kuibuka na ushindi.

Hata hivyo, Arsenal hawakukata tamaa, wakipambana kurejea mchezoni na hatimaye kupata mabao yao kupitia Eberechi Eze dakika ya 33 na Noni Madueke dakika ya 78.

Mbali na kupoteza nafasi ya kupata alama zote tatu, Arsenal walipata pigo jingine baada ya kipa wao David Raya kulazimika kuondoka uwanjani kutokana na jeraha.

Matokeo hayo yanaifanya Arsenal kuendelea kukaa kileleni mwa msimamo wa Ligi Kuu England ikiwa na alama 28 baada ya kucheza michezo 11, huku Newcastle United ikishika nafasi ya 12 ikiwa na alama 13 katika michezo 11.

Arsenal wameondoka St James’ Park na alama moja, huku Newcastle ikikosa nafasi ya kutumia faida ya kucheza nyumbani kupata ushindi.

Leave a Comment