Hatimaye Ndege Iliyozuiliwa Sauzi Yakabidhiwa Tanzania

Naibu Waziri wa Mambo ya Nje na Ushirikiano wa Afrika Mashariki., Dk. Damas Ndumbaro, ameipokea ndege ya Air Tanzania, Airbus A220-300 iliyokuwa imezuiliwa katika Uwanja wa Ndege wa Oliver Tambo nchini Afrika Kusini, Agosti 23, 2019, kwa amri ya Mahakama ya Gauteng.

NDEGE ya Air Tanzania Airbus A220-300 iliyokuwa ikishikiliwa Afrika Kusini imekabidhiwa kwa Naibu Waziri wa Mambo ya Nje, Dk. Damas Ndumbaro, leo Septemba 4, 2019, baada ya Mahakama Kuu ya Gauteng chini ya Jaji Lamont, kutupilia mbali tena ombi jingine la Steyn aliyetaka, pamoja na uamuzi wa awali leo, ndege iendelee kushikiliwa.

Alasiri hii, jaji huyo amesema mahakama hiyo haina uwezo (jurisdiction) wa kusikikiza kesi hiyo.

Awali, mahakama hiyo ilitoa hukumu na kuamuru ndege hiyo iliyokuwa ikishikiliwa nchini humo iachiwe na mlalamikaji alipe gharama za kesi.

“…Hoja zote zilizotolewa na mawakili wetu zimeshinda, na tumeshinda kesi hiyo, na imeamriwa ndege hiyo ya Air Tanzania iweze kuondoka,” alisema Dkt. Ndumbaro.

UPDATES: Hata hivyo, muda mfupi baada ya mahakama hiyo kuamuru ndege hiyo iachiwe, mkulima aliyepeleka shauri hilo mahakamani, Hermanus Steyn, amekata rufaa kwa madai ya kutoridhishwa na hukumu hiyo. Shauri hilo linatarajiwa kuanza kusikilizwa leo Septemba 4, 2019.

View this post on Instagram

Mahakama Kuu ya Gauteng, Afrika Kusini, leo Septemba 4, 2019 imetoa hukumu na kuamuru kuwa ndege ya Air Tanzania iliyokuwa ikishikiliwa nchini humo iachiwe na mlalamikaji alipe gharama za kesi. “…Hoja zote zilizotolewa na mawakili wetu zimeshinda, na tumeshinda kesi hiyo, na imeamriwa ndege hiyo AirTanzania iweze kuondoka,” Dkt. Damas Ndumbaro, Naibu Waziri wa Mambo ya Nje na Ushirikiano wa Afrika Mashariki.

A post shared by Global Publishers (@globalpublishers) on Sep 4, 2019 at 3:23am PDT