Lala Salama Ya Tuzo Za BET, Kufanyika Leo

 

Wiki kadhaa, staa wa muziki barani Afrika, Nasibu Abdul ‘Diamond Platnumz’ alizua gumzo kubwa baada ya kuchaguliwa kuwania Tuzo za BET 2021.

 

Baadhi ya watu waliandamana kutokumpigia kura kwa madai kwamba Diamond au Mondi anafungamana na tabaka tawala ambalo kwao linaonekana kukandamiza tabaka la chini.

 

Katika tuzo hizo, Mondi anawania Kipengele cha Best International Act na sasa yupo kwenye dakika za lala salama kwa sababu shughuli yenyewe ni Jumapili hii ya Juni 28 huko nchini Marekani.

 

Mondi anashindana na wakali wengine kama Aya Nakamuraa (Ufaransa), Burna Boy (Nigeria), Emicida (Brazil), Headie One (Uingereza), Wizkidayo (Nigeria), YoungTand Bugsey (Uingereza) na Youssouphamusik (Ufaransa).

Aidha, katika mitandao ya kijamii hasa Twitter baadhi ya watumiaji walionekana kutofurahishwa na Mondi kuchaguliwa kuwania tuzo hizo hivyo walidhamiria kuwapigia kura wasanii wengine kutoka mataifa mengine hasa Nigeria.

 

Hata hivyo, IJUMAA linafahamu kwamba hakukuwa na nafasi ya mashabiki kupiga kura bali kura zinapigwa na akademi maalum ya BET yenye watu 50.

 

Mondi ambaye mara kadhaa amekuwa akionekana kwenye majukwaa mbalimbali ya Chama Cha Mapinduzi (CCM) hasa kwenye kampeni, alikabiliwa na shutuma kutoka kwa baadhi ya watumiaji wa Mtandao wa twitter kwamba anashirikiana na chama kinachounda Serikali ambayo ilionekana ni kandamizi kwa wananchi hao.

 

Aidha, baadhi ya watumiaji hao walikosoa kitendo hicho na kusema si cha kizalendo huku wakiunga mkono na kuahidi kuwa pamoja naye bega kwa bega.

 

Imekuwa ni dhana ya wasanii wengi duniani kote kujitokeza na kuingia kwenye siasa kama wagombea mfano, MwanaFA, Bobi wine, Profesa Jay, Wakazi, Sugu na wengine wengi.

 

Pia, wapo wasanii wengi hupanda katika majukwaa mbalimbali ya siasa kutumbuiza kipindi cha kampeni kama afanyavyo Mondi kama Stamina, Maua Sama, Rayvanny, Young Killer, King Kiba, Mr Blue, Harmonize na wengine wengi.

Stori; Sifael Paul, Dad