MWENYEKITI wa Kampuni kubwa ya mafuta ya Lukoil nchini Urusi, Ravil Maganov, amefariki dunia baada ya kuanguka kutoka kwenye dirisha la hospitali mjini Moscow, ripoti zinasema.
Kampuni hiyo ilithibitisha kifo chake lakini ilisema tu kwamba Maganov mwenye miaka 67, “ameaga dunia kufuatia ugonjwa mbaya”.
Vyombo vya habari vya Urusi vilisema alikuwa akitibiwa katika Hospitali Kuu ya Kliniki ya Moscow na alikufa kutokana na majeraha yake.
Maganov ndiye mtendaji wa hivi punde zaidi kati ya idadi ya watendaji wakuu wa biashara kufa katika hali ya kushangaza.
Mamlaka ya uchunguzi ilisema walikuwa wakifanya kazi katika eneo la tukio ili kubaini jinsi alikufa. Shirika la habari la Tass lilinukuu vyanzo vikisema kuwa alianguka kutoka kwenye dirisha la ghorofa ya sita, na kuongeza baadaye kwamba alikuwa amejitoa uhai.
Muda mfupi baada ya Urusi kuivamia Ukraine, bodi ya Lukoil ilitaka mzozo huo kumalizika haraka iwezekanavyo, ikionyesha huruma yake kwa wahasiriwa wa “janga hili”.
Rais wake bilionea, Vagit Alekperov, alijiuzulu mwezi Aprili baada ya Uingereza kumuwekea vikwazo kujibu uvamizi huo.
Viongozi wakuu kadhaa wa nishati huko Urusi wamekufa katika hali isiyo ya kawaida katika miezi ya hivi karibuni.
Mwili wa meneja wa zamani wa Novatek Sergei Protosenya ulipatikana pamoja na mkewe na binti yake katika jumba la kifahari la Uhispania mnamo Aprili.
Makamu wa rais wa zamani wa Gazprombank, Vladislav Avayev, alipatikana amekufa na mkewe na binti yake katika gorofa yao ya Moscow, pia mnamo Aprili.
Mnamo Mei, tajiri wa zamani wa Lukoil Alexander Subbotin alikufa kwa ugonjwa wa moyo, ikiripotiwa baada ya kutafuta matibabu mbadala kutoka kwa shaman.
Lukoil ni kampuni kubwa ya kibinafsi ya Urusi. Katika taarifa yake ilisema ilikuwa chini ya talanta ya usimamizi ya Maganov kwamba imebadilika na kuwa moja ya kampuni kubwa zaidi za nishati ulimwenguni.
Alianza kufanya kazi katika kampuni ya kibinafsi ya mafuta mnamo 1993 na alichukua kama mwenyekiti miaka miwili iliyopita.
Imeandikwa na Peter Nnally kwa msaada wa mitandao.
