MTENGENEZAJI mkubwa zaidi wa chanjo duniani, Taasisi ya Serum ya India, imekubali kutengeneza dozi milioni 200 kwa mwaka.
Chanjo mpya inaweza kupunguza vifo vinavyo tokana na malaria kwa asilimia 70% ifikapo mwaka 2030, wanasema wanasayansi wa Uingereza walioitengeneza.
Utabiri huo ulitolewa baada ya majaribio ya kimatibabu barani Afrika kuonyesha chanjo hiyo, iitwayo R21/Matrix-M, ilikuwa na ufanisi mkubwa katika kuwalinda watoto, wanaobeba mzigo mkubwa wa ugonjwa unaoenezwa na mbu.
Matokeo yatawasilishwa kwa Shirika la Afya Ulimwenguni baadaye mwezi huu na mtengenezaji tayari amepanga kutoa dozi milioni 200 kwa mwaka. Zinaweza kugharimu chini ya Euro £5 kila moja.
Profesa Adrian Hill, mkurugenzi wa Taasisi ya Jenner katika Chuo Kikuu cha Oxford, ambaye aliongoza utafiti huo, alisema: “Hii inafurahisha sana. “Watu wamekuwa wakijaribu kutengeneza chanjo ya malaria kwa zaidi ya karne moja. Takriban chanjo 140 tofauti za malaria zimeanza kutumika. “Tunafikiri data hizi ni bora zaidi ya chanjo yoyote ya malaria.”
Zaidi ya watoto milioni 40 wanaishi katika maeneo ya Afrika Kusini mwa Jangwa la Sahara yenye maambukizi ya malaria ya juu au ya wastani.
Mtoto mmoja chini ya umri wa miaka mitano hufariki dunia kutokana na ugonjwa huo kila baada ya sekunde 75, licha ya utumiaji wa vyandarua, dawa za kinga na dawa za kuua wadudu.
Imeandikwa na Peter Nnally kwa msaada wa mitandao.
