Rais wa Marekani Donald Trump amesema kuwa Iran imewasiliana na Marekani ikiomba kufanya mazungumzo, kufuatia mvutano unaoendelea kati ya mataifa hayo mawili.

Akizungumza na waandishi wa habari akiwa ndani ya ndege ya rais, Air Force One, Trump alisema:

“Ndiyo, walipiga simu jana,” bila kufafanua zaidi kuhusu mawasiliano hayo.

Trump alidai kuwa viongozi wa Iran wameonyesha nia ya kufanya mazungumzo kwa sababu wamechoka mashambulizi ya Marekani.

“Viongozi wa Iran wanataka kufanya mazungumzo. Nadhani wamechoka kushambuliwa na Marekani,” alisema.

Rais huyo aliongeza kuwa mkutano unaweza kufanyika, lakini akaonya kuwa Marekani inaweza kuchukua hatua nyingine kulingana na matukio ya hivi karibuni.

“Tunaweza kukutana nao, mkutano unapangwa, lakini tunaweza kuchukua hatua kutokana na kile kilichotokea,” aliongeza.

Akizungumzia ripoti za mauaji ya waandamanaji nchini Iran na iwapo taifa hilo limevuka kile alichokiita “mstari mwekundu,” Trump alisema:

“Wameua watu waziwazi, watu ambao hawakupaswa kuuawa. Hii ni vurugu.”

Trump alihoji uhalali wa uongozi wa Iran, akisema:

“Sijui kama unaweza kuwaita viongozi, lakini wanaonekana kutawala kwa vurugu tu.”

Kwa mujibu wa Trump, Marekani inaendelea kutathmini hatua mbalimbali, ikiwemo chaguo la kijeshi.

“Tunaangalia chaguzi. Jeshi linaangalia chaguzi. Tunayo chaguzi kali sana,” alisema.

IRAN YAKATAA KUSALIMU AMRI WAKATI MAANDAMANO YAKIONGEZEKA- TRUMP NAE ATISHIA KUISHAMBULIA…