Halmashauri ya Wilaya ya Malinyi imetangaza nafasi mbili (2) za ajira kwa kada ya Mwandishi Mwendesha Ofisi, kufuatia kibali kutoka Ofisi ya Rais, Menejimenti ya Utumishi wa Umma na Utawala Bora.
Kwa mujibu wa tangazo hilo lililotolewa Mei 4, 2026, waombaji watakaofaulu watahusika na majukumu mbalimbali ya ofisi ikiwemo kuchapa nyaraka, kupokea wageni, kutunza kumbukumbu za ofisi pamoja na kuratibu shughuli za kikazi.
Waombaji wanatakiwa kuwa wahitimu wa kidato cha nne au sita wenye Stashahada (Diploma) ya Uhazili au cheti cha NTA Level 6. Aidha, wanapaswa kuwa na ujuzi wa kutumia mifumo ya kompyuta kama vile Microsoft Word, Excel, PowerPoint, pamoja na huduma za mtandao.
Kwa upande wa masharti ya jumla, waombaji wanapaswa kuwa raia wa Tanzania wenye umri kati ya miaka 18 hadi 45. Pia wanatakiwa kuwasilisha maombi yao kupitia mfumo wa kielektroniki wa ajira wa Sekretarieti ya Ajira katika Utumishi wa Umma.
Mwisho wa kutuma maombi ni Mei 19, 2026, huku waombaji wakitakiwa kuzingatia masharti yote yaliyotajwa ili kuepuka kukataliwa kwa maombi yao.
Tangazo hilo linaweka msisitizo kuwa maombi yote lazima yawasilishwe kupitia mfumo rasmi wa ajira, na maombi yatakayotumwa nje ya utaratibu huo hayatapokelewa.
BONYEZA HAPA >>>
