Rais Samia Amuapisha Dkt. Evaline Munisi Kuwa Naibu Waziri Ofisi ya Waziri Mkuu – Video
Global Publishers May 6, 2026 0 Comments
SHARE THIS:
Rais wa Jamhuri ya Muungano wa Tanzania, Dkt. Samia Suluhu Hassan akizungumza na Viongozi mbalimbali mara baada ya kumuapisha Naibu Waziri, Ofisi ya Waziri Mkuu (Kazi Ajira na Mahusiano) Mhe. Dkt. Evaline Wilbard Munisi, Ikulu Chamwino mkoani Dodoma tarehe 06 Mei, 2026.Rais Samia akimuapisha Dkt. Evaline Wilbard Munisi kuwa Naibu Waziri, Ofisi ya Waziri Mkuu (Kazi Ajira na Mahusiano) kwenye hafla iliyofanyika Ikulu ya Chamwino mkoani Dodoma, tarehe 06 Mei, 2026.
Rais wa Jamhuri ya Muungano wa Tanzania, Samia Suluhu Hassan, amemuapisha Evaline Wilbard Munisi kuwa Naibu Waziri katika Ofisi ya Waziri Mkuu (Kazi, Ajira na Mahusiano).
Hafla hiyo ya uapisho imefanyika katika Ikulu ya Chamwino leo Mei 6, 2026, na kuhudhuriwa na viongozi mbalimbali wa Serikali.
Uteuzi huo unakuja katika kipindi ambacho Serikali inaendelea kuimarisha sekta ya ajira na mahusiano kazini, huku ikilenga kuongeza fursa za ajira kwa vijana na kuboresha mazingira ya kazi nchini.
Akimuapisha, Rais Samia alisisitiza umuhimu wa kufanya kazi kwa weledi, uwajibikaji na kuzingatia maslahi ya wananchi, hasa katika kushughulikia changamoto za ajira na ustawi wa wafanyakazi.
Kwa upande wake, Dkt. Munisi ameahidi kuitumikia nafasi hiyo kwa uadilifu na kujituma, akiahidi kushirikiana na wadau mbalimbali kuhakikisha malengo ya Serikali katika sekta ya ajira yanafikiwa.
Uteuzi huu unatarajiwa kuleta nguvu mpya katika Ofisi ya Waziri Mkuu, hususan katika kusimamia masuala ya kazi, ajira na mahusiano ya wafanyakazi nchini.
Viongozi mbalimbali wakiapa kiapo cha Maadili kwenye hafla iliyofanyika Ikulu ya Chamwino mkoani Dodoma tarehe 06 Mei, 2026. Kutoka kulia ni; Ndugu Kheri Abdul Mahimbali Mtendaji Mkuu wa Wakala wa Ufundi na Umeme (TEMESA), Balozi Ali Jabir Mwadini, Katibu wa Rais, Mhandisi Peter Phillip Mwasalyanda Mkurugenzi Mkuu wa Mamlaka ya Mawasiliano Tanzania (TCRA), Dkt. Jabir Kuwe Bakari Mkurugenzi Mkuu wa Mamlaka ya Usafiri wa Anga Tanzania (TCAA), Mhe. Angela Charles Kizigha, Mshauri wa Rais, Masuala ya JamiiRais wa Jamhuri ya Muungano wa Tanzania Dkt. Samia Suluhu Hassan akiwa na Waziri Mkuu Dkt. Mwigulu Nchemba, Spika wa Bunge Mussa Azzan Zungu, Katibu Mkuu Kiongozi Balozi Dkt. Moses Kusiluka, Kamishna wa Maadili Jaji Sivangilwa Mwangesi katika picha na Naibu Waziri, Ofisi ya Waziri Mkuu (Kazi Ajira na Mahusiano) Dkt. Evaline Wilbard Munisi, Ikulu ya Chamwino mkoani Dodoma tarehe 06 Mei, 2026.
