Maysam Khamenei, Massoud Khamenei na Mustafa Khamenei walionekana mstari wa mbele wakati wa sala ya mazishi ya baba yao, Ali Khamenei, zilizofanyika katika Imam Khomeini Mosque mjini Tehran.
Hata hivyo, mwanawe wa nne, Mojtaba Khamenei, ambaye sasa ni Kiongozi Mkuu wa Iran, hakuhudhuria ibada hiyo. Kwa mujibu wa Reuters, kutokuwepo kwake kulitokana na sababu za kiusalama.
Sala za mazishi ziliongozwa na Ayatollah Jafar Sobhani na zilifanyika kwa awamu tatu. Awamu ya kwanza ilihusisha mazishi ya Ali Khamenei, huku awamu ya pili ikiwahusisha binti yake Bushra Khamenei, mkwe wake Misbah al Huda Baqeri na shemeji yake Zahra Haddad Adel.
Awamu ya tatu ilihusisha sala ya mazishi ya mjukuu wake mdogo, Zahra Mohammadi.
Kwa mujibu wa taarifa hizo, Ali Khamenei aliuawa mapema mwaka huu katika shambulizi la ndege isiyo na rubani lililoripotiwa kutekelezwa na Marekani na Israel.
