Fainali ya leo kati ya Argentina na Spain itakuwa mtihani mkubwa wa mifumo miwili tofauti ya kimbinu inayofanya vizuri zaidi duniani kwa sasa. Argentina, chini ya uongozi wa kocha wao, wanatumia mfumo unaotegemea ulinzi imara na mashambulizi ya haraka (counter-attack).
Wakisubiri makosa ya mpinzani kisha kutumia kasi ya Julián Álvarez na Lautaro Martínez pamoja na akili ya Messi katikati ya uwanja. Mtindo huu uliwasaidia sana dhidi ya England, ambapo walisubiri hadi dakika za mwisho kabla ya kupata mabao yao mawili ya ushindi.
Spain kwa upande mwingine wanaendelea na falsafa yao ya “tiki-taka” iliyoboreshwa, wakitegemea kupitisha mpira kwa haraka na mfululizo (possession-based football) ili kuchosha ulinzi wa mpinzani.
Takwimu zinaonyesha jinsi ulinzi wao ulivyokuwa imara bao moja tu limefungwa dhidi yao kwenye mechi saba, jambo linaloonyesha uwiano mzuri kati ya mashambulizi na ulinzi. Uwepo wa Yamal upande wa kulia unawapa Spain silaha ya ziada ya kubadilisha mchezo ghafla kupitia mienendo ya mtu mmoja mmoja.
Swali kuu la kimbinu ni: je, Argentina wataweza kuvunja mfumo wa kupitisha mpira wa Spain, au Spain watavumilia mashambulizi ya haraka ya Argentina bila kuachia nafasi? Endapo Argentina watapata muda wa kudhibiti mpira wao wenyewe badala ya kuwa wanaosubiri tu, wanaweza kulazimisha Spain kucheza mchezo tofauti na ule wanaoupenda. Lakini kama Spain watafanikiwa kudhibiti mpira asilimia kubwa ya muda kama walivyofanya dhidi ya France, itakuwa vigumu kwa Argentina kupata nafasi za kutosha za kushambulia.
Ingia kwenye kasi ya kujishindia pesa kwenye michezo ya Kasino ya Mtandaoni kama vile, Keno, Aviator, Poker, Roulette, Wild Icy Fruits, Super Heli na mingine kibao. Jiunge leo kwa kutembelea tovuti ya meridianbet.co.tz au piga *149*10# kisha uanze safari yako ya ushindi.
Eneo la katikati ya uwanja (midfield) litakuwa uwanja wa vita muhimu zaidi. Kama Spain watashinda eneo hilo kwa kutumia mchezo wao wa haraka wa pasi, watamnyima Messi nafasi za kupokea mpira kwa uhuru.
Lakini kama Argentina watafanikiwa kuvunja mtandao huo wa pasi kupitia press ya haraka, wanaweza kuunda nafasi za kushambulia mara moja kabla Spain hawajapanga upya ulinzi wao.
Kwa jumla, mchezo huu unaonekana kama mvutano kati ya nidhamu ya kimbinu na ubunifu wa vipaji vya mtu mmoja mmoja. Timu itakayoweza kubadilisha mpango wake wa awali haraka zaidi kulingana na hali ya mchezo, huenda ndiyo itakayoinua kombe hilo saa za usiku wa leo MetLife Stadium.
