Rais wa Marekani, Donald Trump, ameahidi kutoa majibu makali baada ya wanajeshi wa Marekani kuzuia shambulio la makombora ya balistiki yaliyodaiwa kutoka Iran na kuelekezwa nchini Jordan usiku wa kuamkia leo Jumatano Julai 29, 2026 .
Akizungumza na kituo cha televisheni cha Fox News, Trump alisema Marekani itachukua hatua kali dhidi ya wahusika wa shambulio hilo, akisisitiza kuwa vikosi vya Marekani vilifanikiwa kuzuia makombora hayo kabla hayajafikia malengo yake.
Trump alisema wanajeshi wa Marekani walikuwa na muda mfupi sana wa kufanya maamuzi baada ya shambulio hilo la kushtukiza, lakini waliweza kuyadungua makombora yaliyokuwa yakielekea kwenye maeneo yaliyolengwa.
Alieleza kuwa aliona video zinazoonyesha wanajeshi wakitoa taarifa za maeneo ya shabaha kwa wakati halisi wakati wa operesheni hiyo.
Aidha, Trump alisema mashambulizi ya usiku yaliyofanywa na Marekani na Saudi Arabia dhidi ya makundi ya wanamgambo wanaoungwa mkono na Iran nchini Iraq yalifanyika kwa uratibu na serikali ya Iraq.
Aliyataja makundi hayo kama “saratani kwa dunia” na kusema Marekani bado inatafakari kutoa maonyo zaidi dhidi ya makundi yanayohusishwa na Iran katika eneo hilo.
